ზოგადი დებულება

ზოგადი დებულებები

ინტერნეტ-ტოტალიზატორი წარმოადგენს სერვერულ პროგრამას, რომლის მეშვეობით მის მომხმარებლებს საშუალება ეძლევათ ტოტალიზატორის დაწესებულებაში მიუსვლელად, ინტერნეტის მეშვეობით დადონ ფსონები და თამაშის მიმდინარეობის შედეგების შესაბამისად მიიღონ მოგება.

სისტემურ-ელექტრონული ფორმის თამაშობების სპეციალური პროგრამული კომპლექსი (სერვერი) განთავსდება მისამართზე: ქ. თბილისი, ონიაშვილის ქ N1. სისტემურ-ელექტრონული ფორმის თამაშობები ხორციელდება სპეციალური პროგრამული კომპლექსის – სერვერის მეშვეობით, საიდანაც ხდება მომგებიანი თამაშის მართვა და ორგანიზება. სისტემურ-ელექტრონული ფორმის თამაშობების პროგრამული კომპლექსი – სერვერი უზრუნველყოფილია მუდმივი დენის წყაროთი.

შპს ’’ლიდერე-ბეთ სლოტი (შემდგომში კომპანია) არის იურიდიული პირი, რომლის მფლობელობაშიც არის ვებ-გვერდი www.lider-bet.com ყველა თამაში, რომელიც განთავსებულია www.lider-bet.com ზე ეფუძნება მხოლოდ რეალურ ფულზე თამაშს. www.lider-bet.com-ზე დარეგისტრირებულ მომხმარებლებს შეუძლიათ განათავსონ ფსონები სპორტულ მოვლენებზე.

ყველა მოთამაშე ვალდებულია ვებ-გვერდზე რეგისტრაციის გავლისა და ფსონის დადების წინ გაეცნოს ვებ- გვერდზე განთავსებულ წესებს.

მოთამაშისათვის რეგისტრაციის გავლა და ფსონის დადება ნიშნავს თანხმობას ორგანიზაციის მიერ დადგენილი გათამაშების წესების მიმართ.

გათამაშების წესდების არ ცოდნა არ წარმოადგენს ფსონის ან ხელშეკრულების მოშლის მიზეზს და წინამდებარე წესების თანახმად, მოთამაშეს არ ათავისუფლებს ფსონიდან გამომდინარე მისი ვალდებულებებისაგან.

მოთამაშის მიერ განთავსებულ ფსონთან დაკავშირებით ნებისმიერი საკითხი გადაწყდება მხოლოდ შპს „ლიდერ-ბეთ სლოტი“-ს გათამაშების წესების თანახმად.

გათამაშების მონაწილის (შემდგომში-„მოთამაშე“) მიზანია სპორტული შეჯიბრების ან სხვა საზოგადოებისათვის საინტერესო მოვლენათა შედეგების გამოცნობა ორგანიზაციის მიერ წინასწარ გამოქვეყნებული პროგრამის მიხედვით. სპორტული შეჯიბრების

ყველა ფსონი ეხება მატჩის ძირითად დროს (დამატებით მითითებულია განსხვავებული პირობები სპორტის სახეობისა და პოზიციების მიხედვით).

ვებ-გვერდზე რეგისტრაციის გავლისა და შესაბამისად თამაშობებში მონაწილეობის მიღების უფლება აქვთ უცხო ქვეყნის 18 წლის და ზემოთ და საქართველოს 25 წლის და ზემოთ ასაკის მოქალაქეებს.

მოთამაშის მიერ რეგისტრაციის გავლა და ფსონის დადება ნიშნავს კომპანიასა და მოთამაშეს შორის ერთჯერადი ხელშეკრულების გაფორმებას, რომლის თანახმადაც ის ეთანხმება კომპანიის მიერ დადგენილ გათამაშების წესებს.

ინტერნეტ-ტოტალიზატორში თამაშობისას გამოიყენება ე.წ. ელექტრონული ბილეთი, რომელიც ადასტურებს ფსონის ხელშეკრულების გაფორმების ფაქტს და ერთჯერადი ხელშეკრულების დამადასტურებელი საბუთია, რომელშიც მითითებულია:

ა) ფსონის მიღების თარიღი,დრო, ბილეთის ნომერი.

ბ) ღონისძიების დასახელება.

გ) მოთამაშის პროგნოზი და შესაბამისი კოეფიციენტი.

დ) ვარიანტების რაოდენობა.

ე) ფსონის თანხა.

„ელექტრონული ბილეთის“ შეცვლა ან წაშლა მისი დადების შემდეგ შეუძლებელია.

კომპანია უფლებას იტოვებს, შეცვალოს ნებისმიერი გათამაშების წესი მის სისტემაში რეგისტრირებული მოთამაშეების გაფრთხილების გარეშე. სისტემაში რეგისტრირებული მომხმარებლები ვალდებულნი არიან პერიოდულად გადაამოწმონ და გაეცნონ შპს ,,ლიდერ-ბეთ სლოტი“ - ს მიერ მიღებულ დებულებებსა და გათამაშების პირობებში შეტანილ ცვლილებებს.

ვებ-გვერდის რუსულ და ინგლისურ ვერსიებში თარგმანთან დაკავშირებით აღმოჩენილ რაიმე შეუსაბამობის შემთხვევაში პრიორიტეტი ენიჭება ქართულ ვერსიას.

ორგანიზაცია არ იღებს თავის თავზე პასუხისმგებლობას და არ იღებს პრეტენზიებს უცხო ენებიდან თარგმანის კორექტულობაზე, გუნდების დასახელებებზე, მოთამაშეების გვარებზე, ქალაქების დასახელებაზე, სადაც ხდება მოვლენები, რომლის შედეგებზეც იდება ფსონები.

საიტზე განთავსებული პოზიციების დასახელებებში პრიორიტეტი ენიჭება ქართულ ენაზე ნათარგმნს. იმ შემთხვევაში თუ ქართულ ენაზე თარგმანში შეცდომითაა მითითებული პოზიციის დასახელება, რაც ძირეულადცვლის პოზიციის შინაარს ან კოეფიციენტის რეალურობას, კომპანია იტოვებს უფლებას გააუქმოს ყველა ასეთი ფსონი

ნებისმიერი ტექნიკური თუ მექანიკური ხარვეზის შემთხვევაში ტოტალიზატორი იხსნის ყოველგვარ პასუხისმგებლობას და იტოვებს უფლებას ფსონი გაუქმებულად ჩათვალოს.

იმ შემთხვევაში თუ კოეფიციენტი ან/და შედეგი შეცდომით იქნა შეყვანილი და ამ შეცდომის შედეგად მოთამაშეს დაერიცხა ზედმეტი თანხა, ტოტალიზატორი იტოვებს უფლებას, მოახდინოს მოგებული თანხის ხელახალი გადაანგარიშება და ჩამოაჭრას მოთამაშეს შეცდომით დარიცხული თანხა.

ტოტალიზატორის ვებ-გვერდზე რეგისტრაციისა მომხმერებელი ვალდებულია სწორად შეავსოს საკუთარი დემოგრაფიული მონაცემები, მიუთითოს სახელი და გვარი, პირადობის დამადასტურებელი დოკუმენტის ნომერი და პერსონალური პირადი ნომერი, მოცემული ინფორმაციის სწორად შევსების შემდეგ მომხმარებელს კომპანიის ელექტრონულ სისტემაში ავტომატიურად მიენიჭება შიდა სარეგისტრაციო ნომერი (პინ კოდი), რომელიც წარმოადგენს უნიკალურ კოდს, რომლის მეშვეობითაც ხდება კონკრეტული მოთამაშის იდენტიფიცირება ელექტრონულ გვერდზე. ამასთანავე მოთამაშის მიერ საკუთარ გვერდზე მინიჭებული "პაროლი" არის საიდუმლო და სასტიკად იკრძალება მისი გასხვისება და მისი გადაცემა მესამე პირზე. "პაროლის"

უსაფრთხოებაზე უშუალო პასუხისმგებელი თვითონ მოთამაშეა. "პაროლის" დაკარგვის, მისი სხვა პირზე გადაცემისა ან/და მოპარვის შემთხვევაში მიყენებულ ზარალზე ტოტალიზატორი სრულად იხსნის ყველანაირ პასუხისმგებლობას და ამ შემთხვევაში პასუხისმგებლობა უშუალოდ მოთამაშეს ეკისრება.

რეგისტრაციისას მომხმარებელი ვალდებულია ზუსტად და სრულად მიუთითოს პირადი მონაცემები. შპს ,,ლიდერ-ბეთ სლოტი“ იტოვებს უფლებას დაბლოკოს, ასევე უარი უთხრას სისტემიდან თანხის გატანაზე იმ მოთამაშეებს, რომლებმაც მიუთითეს არასწორი პირადი მონაცემები.

კომპანიის ვებ-გვერდზე რეგისტრაციისას მოთამაშე ირჩევს ფსევდონიმს. კომპანია იტოვებს უფლებას ნებისმიერ დროს შეწყვიტოს ან აკრძალოს იმ მომხმარებლების სახელების გამოყენება, რომლებიც მხოლოდ და მხოლოდ კომპანიის შეხედულებისამებრ არიან უადგილონი.

ყოველ ჯერზე, როდესაც ხდება მომხმარებლის ავტორიზაცია, მომხმარებელი აცხადებს უპირობო თანხმობას წინამდებარე წესებზე და მოქმედებს არსებული წესების თანახმად. მომხმარებელი ასევე ადასტურებს თანხმობას იმის თაობაზე, რომ ორგანიზატორმა მისი პირადი მონაცემები დაამუშაოს პირდაპირი მარკეტინგის მიზნებისათვის და შესაბამისად თანახმაა ორგანიზატორისაგან მიიღოს სხვადასხვა შინაარსის (როგორც სარეკლამო, ისე საინფორმაციო) მოკლე ტექსტური შეტყობინებები როგორც პირად „ექაუნთზე“ ისე ვებ-გვერდზე რეგისტრაციისას მითითებულ ელ. ფოსტის მისამართზე და მობილურის ნომერზე.

მომხმარებლის მიერ, ელექტრონული სისტემებიდან (მომენტალური გადახდის აპარატი, ინტერნეტ- გადახდები და სხვა), ბალანსის შევსების მომენტში, მის მიერ თანხის სხვა პირად ნომერზე შეცდომით გადარიცხვის შემთხვევაში, ტოტალიზატორის ადმინისტრაცია იხსნის ყოველგავრ პასუხისმგებლობას აღნიშნული თანხის დაბრუნებასთან ან/და გადატანასთან დაკავშირებით. შეცდომით, სხვა პირად ნომერზე გადარიცხული თანხის დაბრუნება მომხმარებლისათვის შესაძლებელია მხოლოდ მოქმედი კანონმდებლობის საფუძველზე.

მომხმარებლის პირადი მონაცემების (სახელი, გვარი, პირადობის მოწმობის ნომერი, პირადი ნომერი, მისამართი, ელექტრონული ფოსტა) შეცვლის შემთხვევაში კომპანიის ადმინისტრაცია იტოვების უფლებას ცვლილების შედეგად რეგისტრირებულ მომხმარებელზე არ გასცეს მოგებული თანხა, ცვლილების მომენტიდან 24 საათის განმავლობაში. მოგებული თანხის აღება ტოტალიზატორის სალროდან შესაძლებელია მხოლოდ ამ ვადის გასვლის შემდეგ ან/და ცვლილებამდე რეგისტრირებული მომხმარებლის მიერ ნოტარიალური მინდობილობის საფუძველზე.

პიროვნებას www.lider-bet.com-ზe აქვს მხოლოდ ერთი ანგარიშის გახსნის უფლება. დარეგისტრირებულ მომხმარებლებს არ შეუძლიათ მეორედ დარეგისტრირდნენ, როგორც ახალი მომხმარებელი. წინაამღდეგ შემთხვევაში კომპანიას აქვს უფლება, გაუუქმოს ყველა ფსონი, რომელიც იქნა განხორციელებული შესაბამის ანგარიშიდან და ამ კონკრეტულ მომხმარებელს დაუბლოკოს ანგარიში განუსაზღვრელი ვადით.

სხვადსხვა ანგარიშიდან დადებული ფსონები, (როგორც ვერიფიცირებული, ასევე არავერიფიცირებული), რომელზეც ფიქსირდება ერთი IP მისამართი და კომპანია ჩათვლის რომ ეს ფსონები გაკეთებულია ერთი პიროვნების მიერ, ლიდერბეთი უფლებამოსილებას იტოვებს რომ, ეს ანგარიშები დაბლოკოს 6 (ექვსი) თვით, ამ ანგარიშებზე მონიტორინგის მიზნით, გააუქმოს დადებული ფსონები და მოთამაშეს დაუბრონოს მისი კუთვნილი (ჩარიცხული) თანხები მოგების გარეშე.

იმ შემთხვევაში თუ მომხმარებელი www.lider-bet.com-ზე ჩარიცხულ თანხას გამოიყენებს არამიზნობრივად (არ ითამაშებს ჩარიცხული თანხის მინიმუმ 30% -ს) , კომპანია იტოვებს უფლებას ასეთ მომხმარებელს შეუჩეროს ანგარიშით სარგებლობის უფლება და ჩამოაჭრას ჩარიცხული თანხის 10%.

კომპანიის წარმომადგენლობის მიერ შემჩნეული მომხმარებლები, რომლებიც მოქმედებენ შეთანხმებული თამაშის პრინციპით (ხელოვნური წაგება ან ხელოვნური მოგება), დაიბლოკებიან და შეეზღუდებათ ანგარიშით სარგებლობის უფლება მინიმუმ 60 დღით, რათა დადგინდეს კონკრეტული მომხმარებლების ამ ქმედების მიზეზი.

თუკი გაჩნდება ეჭვი, რომ მოთამაშეები იყენებენ კოლექტიური თამაშის მეთოდს(შეთქმულება) შპს ,,ლიდერ-ბეთ სლოტი“ იტოვებს უფლებას ჩაატაროს ამგვარი ფაქტების გამოძიება, რომლის დროსაც მას შეუძლია დაბლოკოს შემჩნეული პირების ანგარიშები და განუსაზღვრელი ვადით ჩამოართვას ასეთ მომხმარებლებს მათი სარგებლობის უფლება.

www.lider-bet.com-ის სისტემაში რეგისტრირებული მომხმარებელი პირადად არის პასუხისმგებელი სისტემით სარგებლობის პროცესში მომსახურეობის მისაღებად თავისი სატელეკომუნიკაციო საშუალებებისა და ინტერნეტის გამართულ მუშაობაზე. შპს ,,ლიდერ-ბეთ სლოტი“ არანაირად არ იღებს პასუხისმგებლობას მომხმარებელსა და კომპანიის ქსელში წარმოქმნილი ხარვეზის გამო მოთამაშეზე მიყენებული ზიანის ანაზღაურებაზე.

კომპანია იტოვებს უფლებას საკრედიტო ბარათებთან დაკავშირებული თაღლითობის წინაამღდეგ ბრძოლის მიზნით, შეამოწმოს მომხმარებლის შენატანი და მოსთხოვოს მას საკრედიტო ბარათების ასლები.

მოთამაშის მხრიდან თაღლითობის გამოვლენის შემთხვევაში, რომლის შედეგადაც კომპანიას მიადგება ფინანსური ან/და მორალური ზიანი, შეილახება მისი "საქმიანი რეპუტაცია", ის იტოვებს უფლებას:

ა) აუკრძალოს ფსონის დადება ან გააუქმოს უკვე დადებული ფსონი;

ბ) გააუქმოს კლიენტის ანგარიში და მისი ფულადი ბალანსი;

გ) გააუქმოს და დაუბლოკოს სისტემასთან წვდომის უფლება;

დ) უკანონო ქმედების შედეგად მიღებული ყველა მოგების კონფისკაცია (ჩამორთმევა);

ე) მიმართოს სამართალდამცავ ორგანოებს მის სისტემაში რეგისტრირებული მომხმარებლის საეჭვო ქმედების აღსაკვეთად;

ვ) სასამართლოს გზით მოსთხოვოს მოთამაშეს მიყენებული ზარალისა და სასამართლო ხარჯების ანაზღაურება;

ზ) გააბათილოს ფსონები, რომლებიც გაკეთებულია მიზანმიმართულად დუბლიერებული ან მსგავსი ქმედებებით კომპანიის შეზღუდვების გვერდის ავლით.

თ) აუკრძალოს ფსონის დადება ან გააუქმოს უკვე დადებული ფსონი,გააუქმოს კლიენტის ანგარიში და მისი ფულადი ბალანსი ან მიმართოს სამართალდამცავ ორგანოებს, თუ ფსონის დადების მომენტში მომხარებელი ფლობდა ინფორმაციას მოვლენების განვითარების შესახებ, არის მატჩის უშუალო მონაწილე ან დაინტერესებული პირი, რომელიც მოქმედებს მათი მითითების მიხედვით, ასევე მომხარებელი რეგულარულად დებდა ფსონებს ისეთ მოვლენებზე, რომლის შედეგი წინასწარ იყო განსაზღვრული ფსონის განხორციელების მომენტში.

იმ შემთხვევაში თუ მომხმარებელს რაიმე მიზეზის გამო არასწორად დაერიცხა თანხა, ის (მომხმარებელი) ვალდებულია ამის შესახებ დაუყოვნებლივ აცნობოს შპს ,,ლიდერ-ბეთ სლოტი“ - ს წარმომადგენლობას. ასეთი თანხის სისტემიდან გატანის შემთხვევაში კომპანია იტოვებს უფლებას ამ ფაქტის შესახებ მიმართოს შესაბამის ორგანოებს და მოითხოვოს მომხმარებლისგან მატერიალური ზიანის ანაზღაურება .

კომპანია იტოვებს უფლებას საკუთარი შეხედულებისამებრ უარი უთხრას ნებისმიერ პირს www.lider-bet.com-ზე რეგისტრაციის გავლაზე და ფსონის დადებაზე, შესთავაზოს შეცვლილი კოეფიციენტი და დაუწესოს მომხმარებელს სხვადასხვა შეზღუდვები

(მაგ: მინიმალური კოეფიციენტი, გადაბმების მინიმალური რაოდენობა და ა.შ.) ამავდროულად არ მისცეს მას განმარტება უარის/შეზღუდვის მიზეზზე.

სუპერლაივის მსვლელობისას მითითებული დროის, ანგარიშის, სტატისტიკის, სტატუსის მაჩვენებელი ატარებს საინფორმაციო ხასიათს და მის სიზუსტეზე ტოტალიზატორი არ იღებს პასუხისმგებლობას.

ტოტალიზატორის ვებ-გვერდზე არსებული "სტატისტიკის" , "შემადგენლობის", "მიმდინარე ანგარიშების" (live score) განყოფილებაში არსებული ინფორმაცია ატარებს საინფორმაციო ხასიათს.

კომპანიის ცხელი ხაზის მიერ გაცემეული მონაცემები ატარებს საინფორმაციო ხასიათს და კომპანია პასუხისმგებლობას იხსნის ოპერატორის მიერ გაცემული სტატისტიკური მონაცემების სიზუსტეზე.

ვებ-გვერდზე ქართულ ენაზე მითითებულია: შპს ,,ლიდერ-ბეთ სლოტი”, შპს-ს იურიდიული მისამართი, ტელეფონის ნომერი, ნებართვის ნომერი, თამაშობების ჩამონათვალი, თამაშის დეტალური წესები, ინფორმაცია უცხო ქვეყნის 18 წლამდე და ზემოთ და საქართველოს 25 წლამდე პირთა თამაშობებში მონაწილეობის აკრძალვის შესახებ.

ლიდერბეთი ძალიან სერიოზულად უდგება სპორტსა და ფსონების დადებაში პატიოსნების პრინციპის დაცვას. ჩვენ ვთანამშრომლობთ ჩვენს თამაშების მარეგულირებლებსა და დამოუკიდებელ სპორტულ ასოციაციებთან, იმის უზრუნველსაყოფად, რომ თამაშებსა და სპორტში დაცული იყოს სამართლიანობისა და პატიოსნების პრინციპები.

იმ შემთხვევაში, თუ არსებობს მტკიცებულება ან ეჭვი, რომ შეჯიბრი, ღონისძიება ან მატჩი, ან ფსონის დადება ნებისმიერ შეჯიბრზე, ღონისძიებასა ან მატჩზე არაპატიოსნად ხორციელდება, ლიდერბეთს უფლება აქვს, უარი თქვას ანგარიშსწორებაზე და/ან გააუქმოს ასეთ ღონისძიებაზე დადებული ყველა ფსონი. დაბლოკოს ანგარიში არაუმეტეს 6 თვით. ზემოთ აღნიშნული მტკიცებულებები დამოკიდებულია ლიდერბეთზე დადებული ფსონების ზომაზე, მოცულობასა და სახეობაზე.